منتديات روائع مـطـر- Rwaa3 Matar
منتديات روائع مطرترحب بكم وتهنيكم بحلول شهر رمضان المبارك لعام1432 هـ
عزيزى الزائر اختي الزائرة :
إذا كانت هذه زيارتك الأولى لعالم المنتديات وترغب بالتعرف على المزايا عليك الضغط على المنتدى وإذا رغبت وأحببت الإنضمام إلى أسرة المنتدى ينبغي عليك التسجيل معنا أولآ بالضغط هناعلى التسجيل حتى تتمكن من المشاركة معنا في المجالـــس . ..
أما إذا كنت احد اعضائنا فسجل الدخول
إدارة المنتدى


منتديات الكمبيوتر والأنترنت, التصاميم والجرافيكس, برامج نت,جوال , ادبي , ثقافي , علمي, ترفيه,العاب,اهتممات الأسرة ,افلام , اندرويدAndroid
 
الرئيسيةالبوابةالتسجيلس .و .جالعاب فلاشدخول
تم إنشاء المجموعه البريديه منتديات روائع مـطـر- Rwaa3 Matar على Windows Live  البريد الإلكتروني للمجموعة: Rwaa3Matar@groups.live.com قم بنسخ هذا العنوان ولصقه في المستعرض الخاص بك: http://Rwaa3Matar.groups.live.com

شاطر | 
 

 أحلى وأطعم سويسرول ممكن تدوقوه...

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
دلوعة مطر
مشرف
مشرف
avatar

عدد الرسائل : 395
العمر : 37
تاريخ التسجيل : 12/01/2009

مُساهمةموضوع: أحلى وأطعم سويسرول ممكن تدوقوه...   الثلاثاء مارس 17, 2009 4:31 am


السلام عليكم ورحمة الله وبركاته
إزيكم ...عاملين إيه؟؟ يا رب تكونوا بخير وصحة وسعادة
أنا من كام يوم كده عملت سويسرول شوكولاته وبجد كان تحفة...أتمنى تجربوه وإن شاء الله هايعجبكم
نبدأ بالطريقة:
أول حاجة كريمة الحشو:
1 كوب كريمة سائلة باردة ..يعني لسة طالعة من التلاجة

ربع كوب سكر بني أو أبيض مطحون ورشة فانيليا

وده صورة الكريمة:





نيجي بأة للطريقة:
هنحط الكريمة والسكر والفانيليا ونخفق على السرعة المنخفضة لحد ما السكر يدوب وبعدين نعلي على أعلى سرعة


هاتبأة عندنا الكريمة بالشكل ده...وأرجوكم ما تزودوش خفق علشان ما تبوظش..هنحط الكريمة دلوقتي في التلاجة لحد ما نخلص السويسرول



مقادير السويسرول:

4بيض مفصول الصفار عن البياض

3/4 كوب دقيق(ثلاث أرباع) منخول

ربع كوب كاكاو منخول

رشة فانيليا

3 معلقة كبيرة زيت

4معلقة كبيرة ماء مغلي

1كوب سكر بودرة

1 معلقة صغيرة بيكنج باودر..منخول مع الدقيق والكاكاو
نيجي بأة للطريقة:
أول حاجة هنفصل الصفار عن البياض وخدوا بالكو البياض حساس جدا يعني لو جت عليه نقطة ماء يبوظ...فلازم يكون الوعاء اللي هتحطوا فيه البياض نظيف جدا وما فيهوش ولا نقطة ماء والمضرب كمان يكون نظيف جدا...خدوا بالكوا كمان وانتوا بتفصلوا الصفار عن البياض إنه ما تقعشي حتة من الصفار مع البياض علشان ما يبوظش

وده الصور

ده البياض





وده الصفار


وبعدين إحنا قلنا في المقادير إنه عندنا كوب سكر بودرة
هناخد نصه نحطه على البياض والنص التاني هنحطه على الصفار
بالشكل ده





....نخلي دلوقتي البياض على جنب ..لحد ما نخلص الصفار
يعني إحنا هنشتغل في الصفار الأول لحد ما يخلص وبعدين نبدأ نشتغل في البياض

أول حاجة هنخفق الصفار مع السكر لحد ما ينفش ولونه يبأة فاتح زي الصورة كده..يعني إخفقوه كويس جدا لحد ما يبيض


وبعدين هنضيف عليه الزيت والدقيق والكاكاو والبيكنج باودر المنخولين والماء المغلي كله مرة واحدة ونخفق كويس جدا

هنا أضفت الزيت



وهنا أضفت الدقيق والكاكاو والبيكنج باودر المنخولين



وهنا أضفت الماء المغلي




وقلبت كويس لحد ما أصبح الخليط بالشكل ده...هيكون خليط ثقيل



كده إحنا خلصنا الصفار
نبدأ بأة في البياض:
هناخد البياض اللي تركناه على جنب وهنبدأ خفق البياض على سرعة منخفضة لحد ما يذوب السكر وبعدين نعلي على أعلى سرعة...وهايبأة شكله كده


هناخد معلقة كبيرة من البياض ونضيفها على الصفار ونقلب من تحت لفوق



هايبأة الخليط شكله كده



وبعدين هنضيف خليط الصفار كله على البياض
وبرضه نقلب من تحت لفوق كويس جدا لحد ما يمتزجوا مع بعض


وآدي شكلهم بعد التقليب


نصب الخليط في صينية موضوع فيها ورقة زبدة ومش مدهونة بأي حاجة وندخله فرن مسخن مسبقا على درجة حرارة 200 لحد ما يستوي...هو أخد معايا تقريبا ربع ساعة ...



وده شكله بعد ما خرجته من الفرن


هنجيب ورق ألومنيوم ونرش عليه سكر بودرة


ونقلب عليه السويسرول


نقطع أطراف السويسرول بالشكل ده



ونلفه ونسيبه لحد ما يبرد



بعدين نفتح الألومنيوم وندهن السويسرول بالكريمه ونلفه تاني ونحطه في الفريزر لحد ما الكريمة تجمد علشان نعرف نقطعه




وآدي شكله بعد ما طلعته من الفريز



وهنا قطعته...بس ما تكلوهوش وهو بارد...سيبوه يدفى علشان يبأة طعمه جميل وبألف هنا وشفا


منقول
الرجوع الى أعلى الصفحة اذهب الى الأسفل
 
أحلى وأطعم سويسرول ممكن تدوقوه...
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات روائع مـطـر- Rwaa3 Matar :: المجالس الأجتماعيه :: مطبخك سيدتي-
انتقل الى: